Tidenes aktivitetsrekord på Fjord Base
Den største forsyningsbasen i Noreg, Fjord Base i Florø, slo alle rekordar i 2020!
INC Gruppen og Fjord Base har aldri hatt eit år med høgare aktivitet enn i 2020. På parameterane tonn over kai, tal på arbeidstimar og totale skipsanløp har ein slått rekordar nesten månadleg gjennom heile året.
Rekordåret 2020
I 2020 har forsyningsbasen hatt meir enn 40% fleire skipsanløp enn i 2019. På tal tonn som har blitt løfta over til ein av dei 9 kaiene på basen kan ein skilte med å vere godt over det tidlegare rekordåret som var i 2014.
Det at 2020 skulle bli eit rekordår låg allereie i korta i 2019, mellom anna grunna høg aktivitet i Nordsjøen utanfor Florø. Trass i koronapandemien har forsyningsbasen klart å oppretthalde gode leveransar i eit tett samarbeid med kundar og leigetakarar. Effektive operasjonar, stort areal og fullt fokus på kundane i eit hektisk år blir trekt fram som sentrale suksessfaktorar.
Vi i Hub for Ocean gratulerer!
Fjord Base i Florø. Foto: INC Gruppen
Saga Fjordbase og INC Gruppen er medlemmer i Hub for Ocean. Nysgjerrig på eit medlemskap? Sjå her.
Spørsmål?
Har du spørsmål eller kommentarer til denne saka? Ta gjerne kontakt.
