Symbiose Fjordane
Symbiose Fjordane er eit Hub for Ocean- program for sirkulærøkonomisk næringsutvikling. I samarbeid med privat og offentleg sektor, FoU og verkemiddelapparatet, skal programmet danne robuste partnarskap og nettverk for utvikling av industrielle symbiosar og etablere fullstendige sirkulære verdikjeder for handtering av restråstoff.
Symbiose Fjordane er ein felles regional samskapingsarena der bedrifter møtast i eit dynamisk økosystem for å dele kunnskap og ressursar. Dette gir grobunn for nye verdikjeder for handtering av restråstoff. Gjennom samskaping utviklar vi ei sterkare og meir symbiotisk næring.
I programmet ligg det eit stort potensiale for å skape økonomisk vekst, nye forretningsmodellar, innovasjonar, nye arbeidsplassar og ikkje minst gje grunnlag for eit nytt grønt næringsliv på Vestlandet.
Hub for Ocean er involvert i fleire ulike sirkulære satsingar.
Ressursgjenvinning frå avløpsslam - Sunnfjord kommune
Sirkulære metallprosessar - Høyanger
Restråstoff frå planlagd produksjon av hydrogen og ammoniakk - Bremanger
Vi har også inngått ein strategisk samarbeidsavtale med Måløy Vekst for å styrke våre felles satsingar Symbiose Fjordane og Biohub Måløy som har sitt utspring frå Grønn region Vestland.
Blått avfall, grøn ressurs
“Blått avfall, grøn ressurs” er ei av satsingane innan programmet Symbiose Fjordane. Målet er å jobbe fram sirkulære verdikjeder for handtering av restråstoff frå havbruksnæringa. Restråstoff utgjer ei viktig verdiskapande ressurs i norsk sjømatnæring, og det ligg stort potensiale i å auke utnyttelsesgraden med berekraftige løysingar.
Hub for Ocean mottar gåve på 1,2 millionar til Symbiose Fjordane frå Sparebankstiftinga Sogn og Fjordane.
Handtering av fiskeslam og restråstoff er energikrevjande og transporterast i dag over lange avstander. Det er behov for å utforske nye, effektive løysingar som reduserer miljøavtrykk. Fiskeslam og anna restråstoff inneheld også fosfor som er ein begrensa ressurs i verda. Fosfor er nødvendig for all matproduksjon, og sentral for forsyningssikkerheit og derfor ein ressurs som må nyttast og gå tilbake i eit omløp. Det er også ei god kjelde til nitrogen, som kan nyttast i t.d. landbruket.
Hub For Ocean koordinerer satsinga og det er etablert eit konsortium av aktørar i verdikjeda for fiskeslam med oppdrettsaktørar, avfalls- handterarar, slakteri, biogass- forum, forskings- og høgskulemiljø og sentrale, offentlege aktørar som alle er viktige bidrasytarar i arbeidet.
Gjennom innspel frå konsortium og ressursgruppe, våre medlemsbedrifter og andre sentrale næringsaktørar og samarbeidspartar, innhentar vi kunnskap, organiserar og koplar på andre samarbeid og aktivitetar som er relevant i utviklingsarbeidet.
Hub for Ocean mottar 1 800 000 kroner i støtte frå Sparebankstiftinga Sogn og Fjordane og 800 000 kroner frå Vestland fylkeskommune. Totalt utgjer dette 2,6 millionar kroner i støtte til Symbiose Fjordane.
Fokus for arbeidet er utviklingsarbeid og prosjekt knytta til (oppsamlings- ) teknologi, slamhandtering og logistikk som er sentrale barrierar i utviklingsarbeidet, i tillegg til å bygge opp ein sirkulær økonomi med konkrete næringsutviklingsprogsjekt. FoU- aktivitetar og marknad er også sentrale område å forske på.
Vil du vite meir om Symbiose Fjordane eller Blått avfall, grøn ressurs, ta kontakt!
Takk til Sparebankstiftinga Sogn og Fjordane og Vestland fylkeskommune for støtte til Symbiose Fjordane.
