Karrieredagen 2025
Når: 23. januar 2025, 10:00 - 14:00
Kor: Florøhallen
Den 23. januar inviterer Flora vidaregåande skule til Karrieredagen 2025! Målet med dagen er å gi elevane ved Flora VGS høve til å utforske dei mange moglegheitene som finst i det mangfaldige næringslivet i og rundt Florø.
Karrieredagen er ein unik arena for lokalt næringsliv til å synleggjere ulike yrke, presentere behovet for rekruttering på alle nivå i organisasjonane, og løfte fram verdien av alt fra Yrkesfagleg til høgare utdanningskompetanse. Frå klokka 10.00 til 14.00 blir det messevandring for elevane, samtidig som ulike foredrag og bedriftspresentasjonar går føre seg parallelt. Over 700 elevar deltek på arrangementet.
Fjorårets deltakarar var svært nøgde og opplevde dagen som nyttig og inspirerande. Dei fekk verdifull innsikt i karrieremoglegheiter, noko vi ønskjer å vidareføre og byggje vidare på i år.
Di bedrift kan gjere ein forskjell!
Lokale bedrifter spelar ei avgjerande rolle i å gjere Karrieredagen til eit lærerikt og spennande arrangement. Vil de vere med og inspirere morgondagens arbeidskraft til å ta gode val for framtida? Meld dykk på her!
