Brødrene Aa og Fjord Base i Grønn Plattform prosjekter
Grønn Plattform er ei ny satsing som gir bedrifter og forskingsinstitutt midler til forskning- og innovasjonsdriven grønn omstilling. Ordninga er eit samarbeid mellom Forskingsrådet, Innovasjon Norge, Siva og Enova. 1,1 milliardar kroner er sett av til Grønn Plattform i perioden 2021 – 2023. Elleve ambisiøse prosjekt over heile landet får mellom 50 – 120 millionar kvar til å utvikle blant anna avfallfrie byggeplassar, heilhetleg grøn verdikjede for oppdrett til havs, auka ombruk av tre og teknologi som legg til rette for permanent CO2-lagring.
Gjennom ei pressemelding frå Forskingsrådet kommenterer næringsminister Iselin Nybø satsinga Grønn Plattform:
“Eg er veldig glad for at vi no har delt ut 1 milliard kroner frå Grønn plattform. Her har privat næringsliv, forskingsaktørar og andre gått saman for å realisere store og ambisiøse omstillingsprosjekt, frå heilt grunnleggjande forsking, til løysingar som er klare for marknaden. Vi oppretta Grønn plattform fordi vi ønskte å få fart på den grøne omstillinga på vegen ut av koronapandemien. Disse tildelingane aukar utviklingstakten og legg grunnlaget for eit meir berekraftig og konkurransedyktig næringsliv i framtida”, seier næringsminister Iselin Nybø.
Brødrene Aa er med i eit av prosjekta som fekk Grøn Plattform og sikra seg 52 millionar kroner inn i prosjektet. Dei er med i Norwegian Battery Packing Network med ambisjon om å sikre at Noreg tar ein posisjon i den globale batteriverdikjeda, samt utvikle ny produksjonskompetanse, nye digitale system og ny produksjonsteknologi som har positiv ringverknad for heile verdikjeda i eit livssyklusperspektiv. Her finn ein også bedrifter som Nordic Batteries AS, Freyr AS, Kongsberg Maritime AS og SINTEF.
I tillegg har Florø-baserte Fjord Base AS og Ocean Hyway Cluster saman med ECONNECT Energy, Amon Maritime, Yara, HYEX Safety og SINTEF blitt tileigna 89 millionar kroner for «Ammonia fuel bunkering network», der ambisjonen er å utvikle ei verdikjede for realisering av bunkringsanlegg for ammoniakk til maritim sektor. Piloten for bunkringsanlegget vil bli produsert i Florø, og være eit viktig prosjekt for å løyse infrastrukturproblemmatikken knytta til ammoniakk i maritim sektor.
Markeringa av Grønn Plattform for prosjektet “Ammonia Fuel Bunkering Network”. Frå venstre: Sveinung Rotevatn (Norges klima og miljøminister), Stian Magnussen (Innovasjonsjef i ECONNECT Energy), Kristin Svardal (Innovation Manager), Karl Arthur Bræin (medstifter og kommersiell sjef i Amon Maritime, Stig Førde (Viseadministerende direktør i Fjord Base)
Spørsmål eller kommentarar til saka?
Maria Benæs Hunvik
Kommunikasjonsrådgjevar
+47 954 57 606
maria.hunvik(a)hubforocean.no
