Vi riggar eit berekraftsprogram!
Vi riggar no eit berekraftsprogram som har fått namnet Havrom 2050. Målet med programmet er å senke terskelen for å setje i gong med berekraftsarbeidet for medlemsbedriftene og andre aktørar.
Vi får stadig henvendingar frå medlemsbedrifter med spørsmålet «korleis startar vi å arbeide med berekraft?». Kundane stiller stadig strengare krav til at dei dei handlar med er berekraftige. For å halde seg konkurransedyktige ønskjer medlemsbedriftene å ta tak no. Dette er bakgrunnen for at Hub for Ocean og Ocean Hyway Cluster no riggar eit berekraftsprogram som har fått namnet Havrom 2050.
Gjer det lettare å setje i gong
Havrom 2050 skal gje medlemsbedriftene konkrete verktøy som gjer det lettare å setje i gong med berekraftsarbeidet. Strakstiltak bedriftene kan iverksette med ein gong, strategiar, rådgjeving, og inspirerande workshops er noko av det ein skal levere gjennom programmet. Ei ressursgruppe beståande av medlemsbedrifter og organisasjonar som er tett på næringslivet skal bistå i arbeidet.
Programmet er basert på dei 17 berekraftmåla til FN. Hub for Ocean og Ocean Hyway Cluster står bak programmet i tett samarbeid med medlemsbedriftene. Vi jobbar no med programfinansieringa. Innhaldsmessig byrjar programmet å ta form, men det er framleis rom for at medlemsbedrifter og andre samarbeidspartnarar kan komme med innspel.
Ta gjerne kontakt
Har du innspel eller kommentarar? Ta gjerne kontakt.
